Money laundering case; Jacqueline was in big trouble

منی لانڈرنگ کیس؛ جیکلین بڑی مشکل میں پھنس گئیں

ممبئی: 

200 کروڑ کی منی لانڈرنگ، فراڈ اور دھوکہ دہی کے کیس میں اداکارہ جیکلین فرنانڈیز تیسری مرتبہ بھی بھارتی ایجنسی کے سامنے پیش نہ ہوسکیں۔

بھارتی ایجنسی انفورسمنٹ ڈائریکٹوریٹ (ای ڈی) نے جیکلین فرنانڈیز کو آج منی لانڈرنگ کیس میں بیان ریکارڈ کرانے کے لیے طلب کیا تھا تاہم وہ ریاست تمل ناڈو کے پہاڑی علاقے اوٹی میں اپنی نئی آنے والی فلم کے لیے شوٹنگ میں مصروف ہونے سبب نہ آسکیں۔ ای ڈی نے طلبی کا نیا نوٹس جاری کردیا ہے۔

نئے نوٹس کے مطابق جیکلین فرنانڈز کو بروز پیر 18 اکتوبر کو پیش ہو کر کیس میں بیان ریکارڈ کرانے کا حکم دیا گیا ہے۔ اس سے قبل 14 اکتوبر کو کینیڈین نژاد بھارتی اداکارہ نورا فتیحی کو بھی اس کیس کے سلسلے میں طلب کر کے پوچھ گچھ کی گئی تھی۔

Money laundering case; Jacqueline was in big trouble

ایجنسی ای ڈی گرفتار ملزمان چندرا شیکھر اور ان کی اہلیہ اداکارہ لینا پال کے خلاف منی لانڈرنگ اور فراڈ کی تحقیقات کر رہی ہے۔ جیکلین فرنانڈز اور نورا فتیحی کے چندرا شیکھر اور ان کی اہلیہ سے قریبی تعلقات ہیں جس کی وجہ سے ایجنسی نے اپنی تحقیقات کا دائرہ کار بالی وڈ کی اداکاراؤں تک پھیلا دیا ہے۔