آنجہانی ملکہ برطانیہ کی آخری رسومات، ہیتھرو ایئرپورٹ نے پروازیں منسوخ کردیں

 لندن: آنجہانی ملکہ برطانیہ دوم کی آخری رسومات کے موقع پر دنیا کے مصروف ترین ہیتھرو ائیر پورٹ سے بے شمار پروازیں منسوخ یا ری شیڈول کر دی گئی ہیں۔

بین الاقوامی میڈیا رپورٹ کے مطابق ائیرپورٹ انتظامیہ کی طرف سے جاری ایک بیان میں کہا گیا ہے کے فلائیٹ آپریشن میں تبدیلی کی وجہ آنجہانی ملکہ کی قومی سطح پر منعقدہ آخری رسومات کے موقع پر کسی بھی قسم کے شور سے اجتناب کرنا ہے۔

ملکہ کی تدفین کے موقع پر برطانوی فضائی کمپنی برٹش ائیر ویز کی طرف سے 50پروازیں منسوخ کی  جاچکی ہیں ،پروازوں کے شیڈول میں تبدیلی کی وجہ سے ہزاروں مسافر متاثر ہوئے ہیں۔

Out of respect for Her Majesty The Queen, Heathrow, NATS and airlines, will make appropriate changes to their operations to avoid noise disruption for the State Funeral at Westminster Abbey and the Committal Service at Windsor Castle on Monday 19 September 2022. (1/3)

— Heathrow Airport (@HeathrowAirport) September 15, 2022

ائیر پورٹ انتظامیہ کے مطابق ملکہ کی آخری رسومات کے اختتام کے موقع پر خاص طور پر ائیر پورٹ پر11 بجکر 40 منٹ سے لیکر دوپہر12 بجکر 10 منٹ تک آدھ گھنٹے کیلئے کسی قسم کی کوئی  نقل و حرکت نہیں ہو گی۔

19 ستمبر کو کئے جانے والے ان انتظامات کا مقصد آخری رسومات کےموقع پر اختیار کی جانے والی دو منٹ کی خاموشی کے دوران کسی بھی قسم کا خلل پیدا نہ کرنا ہے۔

انتظامیہ کے مطابق  مذہبی رسومات کے دوران خاموشی برقرا رکھنے کیلئے ہیتھرو ائیرپورٹ پر آنے والی پروازیں دوپہر 01بجکر45 منٹ سے02بجکر 20منٹ تک معطل رہیں گی۔

آخری رسومات کے اختتام پر ونڈرسر محل میں ہونے والی ملکہ کی تدفین کے دوران ہیتھرو ائیر پورٹ سے 03بجکر 05منٹ سے لیکر اگلے ایک گھنٹے 40 منٹ تک کوئی پرواز روانہ نہیں ہوسکے گی۔